Emakumeen eta Gizonen Aukera Berdintasunerako Epe Ertaineko Altsasuko I. Udal Planaren asmoa da politika planteamendu normalizatu bat eta sistema egonkor bat, erakundeen eta gizartearen esku hartzea ahalbidetuko duena, eskaintzea, betiere gizonen eta emakumeen arteko berdintasun erreala eta eraginkorra lortzeko xedearekin.

Plan horren azken helburua Altsasuko gizartea da: herritarren garapenean eta ongizatean lagundu nahi du, eta horretarako, emakumeen eta gizonen arteko benetako berdintasuna bultzatzen ahaleginduko da.

Altsasuko Emakumeen eta Gizonezkoen Aukera Berdintasunerako I. Planak 2008-2011 bitartean iraungo du indarrean.

BERDINTASUN PLANA

KANPOKO ARGIZTAPENARI BURUZKO ORDENANTZA 

2004. urtean Udalak Tokiko Agenda 21 egitasmoko Altsasurako Akzio-Plana onartu zuen, eta horrekin batera Altsasu herria Iraunaraztearen aldeko Nafarroako Toki Erakundeetako Sarean sartzea erabaki zuen. Egitasmo horren barruan lehentasuna eman zitzaion energia efizientzia eta aurrezpenari, herritarrek beraiek eskatutako lan arloa izan zelako. Horrela, argiteria publikoan energia aurrezteko proiektua abiatu zuen Udalak.

2006. urtean, berriz, ingurumena babesteko kanpoko argiztapena arautuko duen ordenantza onartu zuen. Helburua energia eraginkortasunez erabiltzea eta haren kontsumo arrazionala bultzatzea izango da. Ordenantzak Altsasuko kanpoaldeko argi instalazioek eta egiten diren urbanizazio berriek bete beharreko baldintzak arautuko ditu. Udalak 5 urtetik 10 urte bitarteko epean energetikoki efizientea izango den argiztapen publikoa izateko konpromisoa hartu du, eta horretarako egungo argiterian sistema batzuk egokitu behar izango dira eta beste batzuk berritu. Hasteko, herriko hamar argi banaketa saretan ekipamendu erreduktore-egonkortzaileak jarri dira herrian, programatutako orduetan argiaren maila jaisteko. Honekin, energia aurrezteaz gain, dirdiraren eta gaueko argi kutsadura murriztea lortu nahi da. Ekipamendu hauek ondoko tokietan jarri dira: Geltoki auzoan, Ameztian, San Juanen, Zumalakarregin, Idertzagainen, pilotalekuan, ikastetxeen arteko errepidean, Ferial kalean, Ondarria industrialdean eta udaletxean.

Altsasuko Udala Dantzaleku, Usolarrain eta Basoitxi inguruek ingurumenaren eta paisaren aldetik duten balioaz jabeturik, beharrezkotzat jotzen du gune horiek Asiarako Natur Guneak izendatzea, bisitarien gozamena eta alderdi horiek duten ingurumen-balioa bateragarriak izan daitezen. Nafarroako Naturguneei buruzko Foru Legearen 3. artikuluan ezartzen denez, Aisiarako Natur Eremuak dira ingurumenaren eta paiasairen aldetik zenbait balio dituzten guneak, eta halaxe deklaratzen dira aire zabalean aisialdi, atsedenaldi edo jostetaldietarako tokiak izateko, beti ere naturaren kontserbazioarekin eta ingurumen hezkuntzarekin bat eginez.